Það er bara komið að þessu! Við erum hér vöknuð fyrir allar aldir eins og venjulega - eigum svo mikil morgunhanabörn. Arndís María vaknaði kl. 06:05 og ég hef ekki sofið síðan.

Við vorum lengi að í gærkvöldi, fórum úr Þingborg um kl. 23. Alltaf eitthvað nýtt að koma upp á, og ég ætlaði varla að komast í burtu. En svo frétti ég að innan við klst síðar var allt tilbúið og allt í góðu  Salurinn er í einu orði sagt GEGGJAÐUR! Snillingar sem þar voru að verki. Hér kemur kreditlistinn: Mamma mín, Fríða syss, Guðbjörg Hulda, Imba frænka, Sigga Árna, Sigurbjörg Agla, Elín og að sjálfsögðu Inga á Langsstöðum, sem hefur farið hamförum í borðauppröðun og alls konar reddingum fyrir okkur! Takk fyrir þúsund sinnum!

Það bættist svo vel í hópinn þegar leið á kvöldið og allir spenntir fyrir morgundeginum. Við hins vegar já drifum okkur heim um kl. 23 og vorum farin að sofa um 00:30. Ég svaf samt hræðilega í nótt, ég skil það bara ekki! Dreymdi að ég var í veislunni en ég var bara föst á sama staðnum í húsinu og komst ekkert á milli staða - glataður draumur sko. En ég held samt að hann þýði að það verði sól og blíða í dag.... haldiði það ekki?????????

Núna er ég að fara að klára að græja slidesjóið og svo ætla ég að kaupa morgunmat handa liðinu í Grundartjörninni. Síðan förum við að pakka okkur og börnunum niður og um hádegi hefjast fegrunar- og háraðgerðir dagsins

Æfingin í kirkjunni gekk rosalega vel og við erum orðin ansi spennt fyrir deginum. Ég er samt frekar stressuð fyrir því að allra augu beinist svo að mér þarna í inngöngunni... en það hlýtur að  reddast

Við viljum bara þakka fyrir alla þá frábæru hjálp sem við höfum fengið og þá sérstaklega henni mömmu minni, sem hefur verið mín hægri og nánast líka vinstri hönd í þessum undirbúningi - TAKK! Og þið hin, takk fyrir að lesa og kommenta á þessa síðu, það er bara gaman að lesa kommentin sem þið hafið skrifað

Kveðja frá Álftarimafjölskyldunni!
Tinna og Finnur
Arndís María og Hildur Embla